Mejlisiň başlygy Aziýanyň Parlamentar Assambleýasynyň Koordinasiýa maslahatynda çykyş etdi

Mejlisiň başlygy Binali Ýyldyrym Şweýsariýanyň Ženewa şäherinde geçirilýän Aziýanyň Parlamentar Assambleýasynyň Koordinasiýa maslahatynda guramanyň döwürleýin başlygy hökmünde çykyş etdi.

Binali Ýyldyrym çykyşynda, dünýädäki meseleleriň ähli ýurtlara täsir ýetirýändigini, terror, ekstremizm, sebitleýin meseleler, bikanun migrasiýa, galkynyş tapawutlylyklary, garyplyk we adamzat krizisiniň dünýäniň gün tertibinde üýtgemeýän krizisler ýagdaýyna öwrülendigini belledi. 

"Türkiýe hökmünde parahatçylyk içinde, asuda we bagtyýar bir dünýä görmek üçin öz tarapymyzdan tagalla edýäris" diýen Ýyldyrym, Türkiýäniň daşary syýasatynyň hem bu tagallalaryň ýüze çykmagy üçin başarjaň we ynsanperwer pozisiýa eýeleýändigini nygtady. 

Binali Ýyldyrym "Adamy ýaşat, dünýä ýaşasyn" ýörelgesi esasynda Türkiýäniň daşarky syýasatynyň esasy maksadynyň adamdygyny hemişe belländiklerini habar berdi. 

Dünýäniň ähli ýerini howpsyz ýagdaýda öwürip boljakdygyny aýdan Ýyldyrym, terroryň dünýäniň iň uly global meselesidigine ünsleri çekdi. 

Binali Ýyldyrym çykyşynyň ahyrynda Aziýanyň Parlamentar Assambleýasynyň 11-nji baş geňeşiniň 29-njy noýabr -2-nji dekabr aralygynda Stambulda geçiriljekdigini belläp, agza ýurtlary maslahata çagyrdy.