Türkiýe Saud Arabystanyna Husiler tarapyndan guralan balistiki roketa hüjümi ýazgardy
“Ýemendäki Husi başbozarlar tarapyndan düýn Saud Arabystanyna ýene-de bir gezek balistiki roketanyň atylmagyny ýazgarýarys”
860054
Türkiýe Saud Arabystanynyň Hamis Muşaýt şäherine Husiler tarapyndan guralan balistiki roketa hüjümi ýazgardy.
Daşary işler ministrliginden berlen ýazmaça beýanatda “Ýemendäki Husi başbozarlar tarapyndan düýn Saud Arabystanyna ýene-de bir gezek balistiki roketanyň atylmagyny ýazgarýarys” diýildi.
Beýanatda Hamis Muşaýt şäherini nyşana alan roketanyň Saud Arabystanynyň howadan goranyş ulgamlary arkaly täsirsiz ýagdaýa getirilmegine hoşallyk bildirildi.
Daşary işler ministrliginiň beýanatynda “Saud Arabystanyny nyşana alýan şuňa meňzeş hüjümleriň indi gaýtalanmazlygyny umyt edýäris” diýildi.
