Binali Ýyldyrym PKK-nyň Şyrnakda 27 metjidi ýykandygyny, 70 metjide hem zeper ýetirendigini aýtdy

Premýer ministr Binali Ýyldyrym Şyrnak welaýatyna guran iş saparynyň çäginde terror guramasy PKK tarapyndan ýykylan Geýlani metjidiniň açylyş dabarasyna gatnaşdy.

Premýer ministr Ýyldyrym açylyş dabarasynda sözlän sözünde welaýatyň halkynyň terrora garşy göreşde döwlete goldaw berendigini nygtady.

Premýer ministr Ýyldyrym “Terrorçylara, dönüklere uly zarba urduňyz. Biz bir millet we bir ýurt bolarys we birlikde asuda durmuşda ýaşarys diýdiňiz” diýdi.

Binaly Ýyldyrym terrorçylaryň14 müňden gowrak ýaşaýyş jaýyny hatardan çykarandygyny we ybadat edilýän ýerleri nyşana alandygyny belledi.

Premýer ministr Ýyldyrym “Bular dinsiz, imansyz. Metjitleri ýykan PKK-ly terrorçylar asuda ilaty, howpsyzlyk güýçlerini, esgerleri, sakçylary, çem gelen adamy gözüni gyrpman öldürýär” diýdi.

Binali Ýyldyrym terror guramasynyň ähli bökdençliklerine garamazdan sebitde infatruktura işleriniň güýçli depginde dowam edýändigine ünsi çekdi.

Çykyşynda jebislige we bitewilige ünsü çeken Ýyldyrym “ Arap ýada kürt biziň üçin tapawudy ýok. Bizi bileşdirýän yslam dinidir, haýsy etniki topardan bolandygyňyza garamazdan basyşymyzyň üstünde ýeriňiz bar. Hiç hili aýraçylyk bolmaz. Biz Türkiýe Respublikasynyň buýsançly raýatlarydyrys” diýdi.