Yşyk: “FETÖ agza hünärmenleriň başpena islegleri kabul edilmeli däl”
Goranmak ministri Fikri Yşyk NATO-da işlän Fetullahçy terror guramasyna agza işgärleriň ýerleşýän ýurtlaryndaky başpena islegleriniň kabul edilmeli däldigini aýtdy
Fikri Yşyk Stambulda NATO-nyň Parlamentar Assambleýasynyň 62-nji sessiýasyna gatnaşan NATO-nyň baş sekretary Ýens Stoltenberg bilen duşuşdy.
NATO-da işlän FETÖ agzalarynyň günbatar ýurtlaryndan başpena islegi barada durup geçen ministr Yşyk, FETÖ-çilere oňyn jogap berilmeginiň Türkiýe üçin kabul edilmesizdigini, Türkiýäniň bu meselä bolan çemeleşmesine dogry düşünilmelidigini aýtdy.
NATO-nyň baş sekretary Ýens Stoltenberg bolsa Türkiýä düşünýändiklerini nygtap: “15-nji iýyldaky agdarlyşyk synanşygynyň çynlakaýlygyny we wehimligini Mejlise baramdan gördüm we bu meselede men Türkiýäniň ýanynda” diýdi.
Duşuşykda NATO-nyň çäginde Türkiýäniň goranyş boýunça edýän başlangyçlary bilen Egeý deňizindäki bosgun akymlarynyň öňüniň alynmagy baradaky çärelere garaldy.
Stoltenberg Egeý deňizinde türk esgerleriniň bosgunlar boýunça netijeli işleri barada öwgüli sözler aýtdy.
