PKK-nyň aksiýalarynyň terror jenaýaty hökmünde kabul edilmezligi hakyndaky karar tankyt edildi
PKK-nyň ÝB-niň terror guramalary sanawynda ýer alýandygyna garamazdan Belgiýanyň şeýle karar kabul etmegi ünsleri özüne çekýär
Türkiýe Belgiýanyň kaziýetiniň terror guramasy PKK-a agza terrorçylaryň aksiýalarynyň terror jenaýaty hökmünde kabul edilmezligi hakyndaky kararyny berk tankyt etdi.
Daşary işler ministrligi tarapyndan berlen beýanatda Belgiýanyň hökümetiniň terror guramasy PKK-nyň aksiýalaryna häzire çenli rugsat berendigi ýatladyldy we şol kararyň terrora garşy göreşde durnuksyz tutumyň we terror guramasy PKK-nyň şu günki güne çenli Belgiýada erkin hereket etmegine mümkinçilik döredýän tutumyň açyk we täze görkezijisi hökmünde analiz edilýändigi nygtaldy we karar ýazgaryldy.
Belgiýanyň kaziýeti terror guramasy PKK-nyň Ýewropadaky ýokary derejeli ýolbaşçylary bilen birlikde 36 adamyň terrorçylykly aksiýalara gatnaşandygy, çagalary zamun alandygy we käbir adamlary öldürmek bilen hemle atandygy hakynda gozgalan kaziýet işinde, şol hereketleriň “terrorçylykly aksiýa” bolmandygy hakynda karar kabul edipdi.
Kararda “ýaragly göreş, terror jenaýaty hökmünde kabul edilip bilinmez” diýlipdi.
PKK-nyň ÝB-niň terror guramalary sanawynda ýer alýandygyna garamazdan Belgiýanyň şeýle karar kabul etmegi ünsleri özüne çekýär.
