Ysraýylyň Günbatar Şeriada 2340 gekdarlyk ýeri döwlet eýeçiligine geçirmegi ýazgaryldy
Ysraýylyň bikanun ýaşaýyş ýerlerini gurýandygy bellenildi
452361
![Ysraýylyň Günbatar Şeriada 2340 gekdarlyk ýeri döwlet eýeçiligine geçirmegi ýazgaryldy](http://cdn.trt.net.tr/images/xlarge/rectangle/a66f/5250/6fdf/56ea351c7e680.jpg?time=1718579405)
Türkiýe Ysraýylyň Günbatar Şeriada 2340 gekdarlyk ýeri döwlet eýeçiligine geçirmegini ýazgardy.
Daşary işler ministrligi tarapyndan berlen beýanatda “Ysraýylyň Günbatar Şerianyň Eriha şäherinde 2340 gekdarlyk ýeriň döwlet eýeçiligine geçirilmegi baradaky kararyny berk ýazgarýarys" diýildi.
Beýanatda Ysraýylyň Günbatar Şeriany 1967-nji ýyldan bäri basyp alyşlyk astynda tutýandygy nygtaldy we Ysraýylyň bikanun ýaşaýyş ýerlerini gurýandygy bellenildi.
Beýanatda şeýle hem Ysraýylyň sebitde yzygyderli parahatçylygyň üpjün edilmeginiň ýeke-täk ýoly bolan iki döwletli çözgüt tagallalaryny bökdemekden ýüz öwürmegi barada duýduryş berildi.