Ermeniler Ýarag Taşlady, Azerbaýcan Antiterror Operasiýasyny Bes Etdi

Azerbaýcanyň Goranmak ministrligi Garabagdaky ermeni toparlarynyň ýarag taşlandygyny, Azerbaýcanyň goşunlarynyň antiterror operasiýasyny bes edendigini habar berdi.

Ministrlikden berilen beýannamada Garabagyň ermeni ilatynyň wekilleriniň Russiýanyň parahatçylyk güýçleriniň araçylyk etmeginde eden ýüztutmasyna laýyklykda ýerli häsýetli antiterror pperasiýasynyň bes edilmegi hakynda ylalaşyk gazanylandygy mälim edildi.

Beýannamada ylalaşyk hakynda şeýle diýilýär:

-          Azerbaýcanyň Garabag sebitindäki Ermenistanyň ýaragly birikmeleri ýa-da bikanun ermeni ýaragly toparlary ýaraglaryny taşlaýar, söweş pozisiýalaryndan we berkitmelerinden çekilip, doly  ýaragsyzlanýar. Ermenistanyň ýaragly birikmeleri Azerbaýcanyň territoriýasyndan çekilýär, bikanun ermeni ýaragly toparlary dargadylýar.

-         Şuňa parallellikde ähli ýaraglar, ok-däri we agyr ulaglar tabşyrylýar.

-         Ýokarda beýan edilenleriň Russiýanyň parahatçylyk güýçleri bilen utgaşykly ýagdaýda ýerine ýetirilmegi ýola goýulýar.

Azerbaýcanyň Prezidentiniň Diwanyndan berilen beýannamada bolsa ertir Ýewlah şäherinde Garabagdaky ermeni ilatynyň wekilleri bilen gaýtadan integrasiýa boýunça geňeşmeleriň geçirilcekdigi habar berildi.