Stambulda Özbegistanyň Medeniýet Günlerine Bagyşlanyp Konsert Berildi
Stambul şäherinde Özbegistanyň medeniýet günlerinin çäginde özbek sungat ussatlary konsert berdi.
Medeni çarede Özbegistan bilen bagly fotosuratlar sergilendi.
Medeniýet we syýahatçylyk ministri bilen Özbegistanyň Medeniýet ministrliginiň guramagynda Özbegistanyň Medeniýet günlerinin çäginde çäre geçirildi.
Stambulyň Döwlet teatrynyň Mejidiýeköýdäki sahnasynda düýn başlan çärä Özbegistanyň Medeniýet ministriniň orunbasary Olim Mirzaýew, Stambulyň Gubernatorunyň orunbasary Özlem Bozkurt Gewrek, Özbegistanyň İlçisi Alişer Agşamhojaýew, Özbegistanyň Stambuldaky Başkonsuly Amirsaid Agzamhojaýew, Belarusyň Stambuldaky Başkonsuly Alekseý Şwed bilen birlikde köp sanly myhmanlar gatnaşdylar.
Prezident R.T.Erdoganyň wideo ýüzlenmesi bilen başlan çäräde özbegistanly sungat ussatlary konsert berdi.
Özbek we türk halk aýdymlarynyň ýerine ýetirilen konsertinde Nowbahar tans topary Özbegistanyň halk folkloryndan nusgawy eserleri ýerine ýetirdiler.
Degişli Habarlar
Azerbaýjan-Ermenistan Gepleşikleri Başlady
Iki ýurduň arasyndaky serhetleriň kesgitlenilmegi meselesi gün tertibinde esasy orun eýeleýär.
