Türk Geňeşi Ganly Ýanwaryň Gurbanlaryny Hatyralady
Türk Geňeşi 20-nji Ýanwar Gyrgynçylygy Mynasybetli Hatyralama Ýüzlenmesini Çap Etdi
Türki dilli döwletleriň hyzmatdaşlyk geňeşi Azerbaýjanda Matam we buýsanç güni hökmünde bellenilip geçilýän, taryha “Ganly ýanwar” ady bilen geçen 20-nji ýanwar gyrgynçylygynyn 31-nji ýyly mynasybetli hatyralama ýüzlenmesini çap etdi.
Türk geňeşiniň Twitter hasabyndan berilen habarnamada: “Gara ýanwar atlandyrylýan 1990-njy ýylyn 20-nji ýanwaryndaky Baku gyrgynçylygy sebäpli Türk geňeşi watanlary ugrunda janlaryny gurban eden Azerbaýjanyň ähli gahryman ogullaryny hormat bilen hatyralaýar, olaryň eziz ruhlarynyň önünde hormat bilen baş egýäris” diýilýär.
1990-njy ýylyň başlarynda ermenileriň güýçlenen ýer talaplaryna we Sowet dolanşygyna garşylygyny görkezmek islän müňlerçe azerbaýjanly Bakuwyň Azatlyk meýdanynda jemlenşip, uzak möhletli mitingler geçirmäge başlapdy.
Mitinglere gatnaşanlary dargatmak maksady bilen 20-nji ýanwarda Bakuwyň birnäçe etrabyna gelen 26 müňden ybarat Sowete goşuny zenanlar we çagalar bilen birlikde 147 adamy gyryp, ýüzlerçe adamy ýaralapdy.
Degişli Habarlar
Azerbaýjan-Ermenistan Gepleşikleri Başlady
Iki ýurduň arasyndaky serhetleriň kesgitlenilmegi meselesi gün tertibinde esasy orun eýeleýär.