Türkiýede bilim 19

Beýik halk şahyry Ýunus Emre:
“Bilim ilim bilmekdir
Bilim, özüň bilmekdir” diýýar.
Bilim özüňi bilmekdir, diýdik. Bilim, ähli zatdan ozal adamyň özüni bilmegini üpjün etmeli. Köp sanly swilizasiýanyň gurulmagyna şaýatlyk eden Anadolyda ýerleşýän gadymy ybadathanalaryň aşagynda “Özüňi bil” diýlen ýazgy bar.
Tapgyrlaýyn gepleşigimizde Türkiýede ýokary bilim mümkinçilikleri barasynda maglumat bermäge dowam edýäris.
Daşary ýurtly ýaşlaryň soraglaryna TRT Horaýzn sahypasy arkaly jogap berdik. Ähli soraglaryňyzy we pikirleriňizi bize ýazyp bilersiňiz.
Tapgyrlaýyn gepleşigimiziň geçen sanynda Ankara uniwersitetiniň Türkçe we daşary ýurt dilleri praktika we ylmy barlag merkezi TÖMER barasynda maglumat beripdik. Ankara TÖMER-iň Türkiýäniň 7 welaýatynda jemi 11 bölüminiň bardygyny, şol bölümlere baryp olar barasynda size giňişleýin maglumat berjekdigimizi aýdypdyk.
İne şol sözümizde tapylýarys we Ankara TÖMER-iň Bursada ýerleşýän bölümini tanyşdyrmak isleýäris.
Ankara TÖMER-iň Bursa şäherindäki bölümi, Bursanyň Osmangazi etrabynda ýerleşýär. Şäheriň Heýkelden soňky 2-nji merkezi bolan Kent meýdanyna golaýda ýerleşýär.
Ankara TÖMER-iň Bursa şäherindäki bölümi 1992-nji ýylda açylýar. TÖMER-iň bu bölüminde gaýybana türkçe synaglaryny guraýan UTS bölümi, DWD kluby we bir sany kitaphana bar.
Bu taýda bilim alýan ähli talyplaryň medeni gatnaşyklaryny ösdürmek we olary jebisleşdirmek maksady bilen yzgiderli görnüşde taryhy we medeni maksatly gezelençler, sergiler, sport turnirleri geçirilýär.
50 ýurtdan gelen talyplaryň türkçe öwrenýän ýerinde umumy maksatly daşary ýurt dil kurslary, daşary ýurtlylar üçin türkçe kurslar we maşgalalar üçin kurslar berilýär. Ankara TÖMER-iň Bursadaky bölüminiň Koordinatory Zuhal Gürakyn we Türkçe bölüminiň ýolbaşçysy Baryş Gürakyn bilen söhbetdeş bolduk. Mikrofonymyzy ilki bilen Zuhal Gürakyna uzatdyk:

“Bölümimiz 1992-nji ýylda açyldy. 1992-nji ýyldan bäri birnäçe dilde kurs berdik we bermäge-de dowam edýäris. İňlis, nemes, fransuz, rus we beýleki dillerde. Ýakyn geljekde arap dilinde-de kurslary açmakçy. Biz alyp barýan işlerimizde diýseň hoşal. Talyplarymyzam şeýle. Daşary ýurtly talyplar Türkiýede bilim almak üçin höwes bilen gelýärler. Biz hem olar üçin elimizden geleni edýäris. İne şeýlelikde ähli zat kadaly dowam edýär.”

Geliň indi bolsa Ankara uniwersitetiniň Türkçe we daşary ýurt dilleri praktika we ylmy barlag merkezi TÖMER-iň Bursa şäherindäki bölüminiň Türkçe bölümçesiniň jogapkär işgäri Baryş Gürakyn bilen geçiren söhbetdeşligimizi dykgatyňyza ýetirýäris:

Uzak ýyllardan bäri daşary ýurtlardan gelen talyplara türkçe öwredýäris. Hat-da bu san wagtal-wagtal köpeldi. 80 ýurtdan gelen talyplara türkçe kurs berdik. Elbetde biz ähli şertlerde gelen talyplara kurslar berdik. Olaryň hatarynda döwlet stipendiýasy bilen gelenlerem, öz mümkinçilikleri bilen glenlerem bardy. Okuwyň möhleti 8-9 aý dowam edýär. Kurslarymyzda Hitit kitaplar tapgyryndan peýdalanýarys. Şol kitaplary tamamlandan soň Ankara uniwersitetiniň rektory tarapyndan tassyklanan diplomlary alyp, türk uniwersitetlerinde özlerine garaşýan kariýeralaryna tarap ýola düşýärler.”
Ankara uniwersitetiniň Türkçe we daşary ýurt dilleri praktika we ylmy barlag merkezi TÖMER-iň Bursa bölüminde okaýan talyplar bilen geçiren söhbetdeşligimizde olar mugallymlary barasynda öwgüli sözler aýtdylar. Onuň sebäbini Baryş Gürakyna soradyk. Göreliň bakalyň ol şol ysnyşykly gatnaşyk barasynda nämeler aýtdyka:

Onsuz hem dil eger aragatnaşyk serişdesi bolýan bolsa, biz ony beden dilimizden we eýe bolan ähli faktorlardan peýdalanmak arkaly işjeň görnüşde ders berýäris. Dersi oturan ýerimizden gürrüň bermeýäris. İşjeň bolmaga mejbur. Hatda käbir temalary gürrüň berýärkäk bökýän halatymyzam bolýar. Talyplarymyz biziň şeýle içginligimizi görenden soň olaram bize ysnyşýar we dili öwrenmäge bolan höwesleri artýar. Mugallym bilen talyplaryň arasyndaky gatnaşygyň dil öwrenmekde nähili täsirli rolunyň bardygyna biz gowy göz ýetirýäris. Derslerimizi şoňa laýyklykde geçýäris. Talyplarymyz bilen dostlaşýarys.”
Bursanyň we Tömeriň bu bölüminiň özboluşlygy näme?

“Elbetde Bursa diýseň özboluşly şäher. Osman imperiýasynyň paýtagtlaryndan biri. Çar tarapda taryhy ýadygärlikler bar. Halky diýseň mähirli. Daşary ýurtly talyplar barasynda elmydama nygtaýarlar. TÖMER barasynda aýdanymyzda hem tejribesi, mugallymlarynyň ussatlygy, ukyby ony tapawutlandyrýan taraplary. Biz tejribämiz esasynda uly üstünlik gazandyk. Talyplarymyzyň sany günsaýyn artýar. Elbetde tehniki mümkinçiliklerimiz hem bu taýda möhüm rol oýnaýar.”