Ysraýyl Gazany Bombalamaga Dowam Edýär

Ysraýylyň harby goşunynyň Gaza Sektoryna garşy guraýan hüjümlerinde ýene-de 22 palestinaly ýogaldy.

Palestinanyň resmi habarlar gullugy WAFA-nyň berýän habaryna görä, Ysraýylyň harby goşunynyň Gaza şäheriniň günbatarynda ýerleşýän Abu Husaýra köçesinde at-Terturi maşgalasynyň ýaşaýan öýüni nyşana almagy sebäpli zenanlar we çagalar bilen birlikde azyndan 5 palestinaly ýogaldy.

Gaza şäheriniň günortasynda ýerleşýän Sabra etrapçasynda, Ysraýylyň harby uçarlarynyň Hijazi maşgalasyna degişli öýi bombalamagy sebäpli palestinaly 2 zenan ýogaldy. Ýykylan öýüň harabalygynyň aşagynda ýaralananalryň bardygy nygtalýar.

Gaza sektorynyň günortasynda Rafah şäheriniň gündogarynda Jenine etrapçasynda, Ysraýylyň harby uçarlarynyň Hatib maşgalasyna degişli öýe guran hüjüminde azyndan 4 palestinaly ýogaldy, birnäçe adam hem ýaralandy.

Ysraýylyň harby goşuny 7-nji oktýabrdan bäri ilatly ýerleri, hassahanalary we mekdepleri bombalamaga dowam edýär.

Ysraýylyň halka ynsanperwer kömeginiň berilmegini bökdeýändigi sebäpli Gaza Sektorynda 2,3 million adam gumanitar pajygany başdan geçirýär.