Emir Abdullahiýan, Hizbullahyň Baş Sekretary Hasan Nasrallah Bilen Duşuşdy

Eýranyň Daşary işler ministri Hüseýin Emir Abdullahiýan, Hizbullahyň Baş sekretary Hasan Nasrallah bilen Palestinada we Liwanda başdan geçirilýän soňky wakalar hakynda pikir alyşdy.

Hizbullah tarapyndan berlen ýazmaça beýannama görä, Eýranyň Daşary işler ministri Hüseýin Emir Abdullahiýanyň ýolbaşçylygyndaky resmi wekiliýet Liwanyň paýtagty Beýrutda saparda boldy.

Eýranly wekiliýet saparynyň çäginde Hizbullahyň Baş sekretary Hasan Nasrallah bilen duşuşdy.

Duşuşykda Palestinada we Liwanda başdan geçirilýän soňky wakalar, Ysraýylyň Gaza guraýan hüjümleriniň bes edilmegi üçin edilýän tagallalar ara alnyp maslahatlaşyldy.

Eýranyň Daşary işler ministri Abdullahiýan, Berýurtda Liwanyň Mejlisiniň başlygy Nebih Berri, Premýer-ministri Nejib Mikati we Hamasyň Arap we yslam dünýäsi bilen edýän gatnaşyklaryndan jogapkär ýolbaşçysy Halil Al Haýýe bilen duşuşdy.