Siriýada, ABŞ-nyň Harby Bazasyna Hüjüm Guraldy
ABŞ-nyň harby bazasyna 2 uçarmansyz howa ulagy bilen hüjüm gurady.
Eýran tarapyndan goldanýan şaýy söweşijiler, Siriýanyň Tenef etrapçasynda ýerleşýän ABŞ-nyň harby bazasyna 2 uçarmansyz howa ulagy bilen hüjüm gurady.
Liwandaky Hizbullah hereketi Telegramdan beren habarnamasynda, Siriýanyň günortasynda ýerleşýän ABŞ-nyň harby bazasyna hüjüm guralandygyny mälim etdi.
Habarnamada, Yrakdaky Yslamy göreş frontynyň, Siriýanyň Tenef etrapçasynda ýerleşýän ABŞ-nyň harby bazasyna 2 uçarmansyz howa ulagy bilen hüjüm gurandygy ýatladyldy.
Hizbdullah, 8-nji oktýabrda beren beýannamasynda Ysraýylyň Gaza guraýan hüjümlerine garşy Palestinaly toparlara goldaw berýändiklerini mälim edipdi.
Yzy ýanyndan Hizbullah bilen Ysraýylyň harby goşunynyň arasynda, Liwanyň günorta serhedinde çaknyşyklar başlapdy.
ABŞ-nyň Goranmak ministrligi Pentagon, öňňin beren beýannamasynda, Yrakda we Siriýada ABŞ bilen hyzmatdaş güýçlerine garşy oktýabr aýynyň 17-26-sy aralygynda 16 hüjümiň guralandygyny mälim edipdi.