ABŞ Eýrana degişli ok-därileri Ukraina ugratdy
ABŞ ele salan we Eýrana degişli bolan 1,1 million ok-däriniň Ukraina ugradylandygyny habar berdi
2046718
![ABŞ Eýrana degişli ok-därileri Ukraina ugratdy](http://cdn.trt.net.tr/images/xlarge/rectangle/c8ed/8cef/54a8/651e5863eccb8.jpg?time=1719163502)
Ak Tamyň metbugat sekretary Karin Žan-Pýer paýtagt Waşingtonda geçiren gündelik metbugat ýygnagynda metbugat işgärleriniň soraglaryna jogap berdi.
Eýranyň BMG-nyň Howpsuzlyk geňeşiniň kararlarynyň düzgünini bozup, Ýemendäki Husi söweşijilere ugradandygy çak edilýän 1,1 million ok-däriniň dekabr aýynda ABŞ tarapyndan ele salynandygyny aýdan Žan-Pýer şol ok-därileriň Ukraina ugradylandygyny mälim etdi.
Eýranyň şol hereketiň BMG-nyň Howpsuzlyk geňeşiniň 2216 belgeli kararynyň düzgün bozmasydygyny aýdan Žan-Pýer: "Ukrainanyň zuluma garşy azatlyk ugrundaky göreşini goldamak we Eýranyň sebitdäki we beýleki sebitlerdäki durnuksyzlaşdyryjy işleriniň öňüni almak üçin çäreleri görmegi dowam etdireris" diýip habar berdi.