Ukraina rus goşunynyň Bahmut ugrunda öňe gidişlik edýändigini belledi

Ukrainanyň Baş Ştabyndan berilen beýanatda, Russiýanyň Kupýansk, Liman, Bahmut, Awdeýewka we Şahtýorsk ugurlarynda hüjümlerini dowam etdirýändigi habar berildi. 

Russiýanyň harby birikmeleriniň Harkow sebitine 3 aýry raketa bilen hüjüm gurandygy bellenen beýanatda, asuda ilatyň arasynda ýaralanan adamlaryň bardygy aýan edildi. 

Beýanatda Russiýanyň goşunynyň mundan başgada 2 sany Şahed-136 uçarmansyz howa ulagy bilen birlikde jemi 16 howa hüjümini gurandygy habar berildi. 

Ukrainada raketa hüjüm howpunyň dowam edýändigine ünsler çekilen beýanatda, Russiýanyň harby güýçleriniň soňky 1 günde Çernigow, Sumy we Harkow sebitlerindäki asuda ilatly ýerlerini nyşana alandygyna ünsler çekildi. 

Beýanatda Russiýanyň Belgorod sebitiniň serhet zolagynda tanka garşy barýerler geçirendigi bellendi. 

Kupýansk we Liman ugurlarynda ruslaryň hüjümlerini dowam etdirýändigi, emma şowsuzdygy öňe sürülen beýanatda: "Russiýa Bahmut ugrunda öňe gidişlik etmäge dowam edýär, Bahmut şäherine garşy hüjümlerini dowam etdirýär" diýip mälim edildi. 

Russiýanyň harby birikmeleriniň Donetsk sebitiniň tapawutly ýerlerinde şowsuz hüjüm operasiýalaryny alyp barýandygy öňe sürülen beýanatda, rus harby güýçleriniň Zaparožýe we Herson ugurlarynda goranyş pozisiýasynda galmaga dowam edýändigi beýan edildi.