Türkiýäniň, Finlýandiýanyň we Şwesiýanyň Wekilleri NATO-nuň Ştab Kwartirasynda Maslahat Geçirer
Bu barasynda NATO-nuň Baş sekretary Ýens Stoltenberg beýannama berdi.
Stoltenberg geçen hepde Ankara guran saparynda Türkiýäniň, Şwesiýanyň we Finlýandiýanyň arasynda mart aýynda Belgiýanyň paýtagty Brýusselde üçtaraplaýyn maslahatyň geçirilmegi boýunça Prezident R.T.Erdogan bilen ylalaşandyklaryny beýan etdi.
Ýens Stoltenberg ÝB Komissiýasynyň Başlygy Ursula fon der Lýaýen bilen Estoniýanyň Garaşsyzlyk güni mynasybetli adybir ýurda sapar etdi.
Paýtagt Tallinde Estoniýanyň Premýer-ministri Kaža Kallas bilen üçtaraplaýyn metbugat ýygnagynda çykyş eden Stoltenberg, Russiýanyň Ukraina hüjüme başlamagyndan bäri geçen 1 ýylda başdan geçirilen wakalardan biriniň hem Şwesiýa bilen Finlýandiýanyň NATO agzalyk tapgyrydygyny ýatlatdy.
Stoltenberg iki ýurduň agzalyk tapgyrynda öňegidişlikleriň bardygyny, NATO-nuň 30 ýaranyndan 28 sanysynyň agzalyk teswirnamasyny tassyklandygyny nygtap; “Prezident Erdogan bilen geçen hepde Anakrada netijeli duşuşyk geçirdim. Gepleşikleriň gaýtadan başlamağy we mart aýynyň ortasynda NATO-nuň Ştab kwartirasynda meniň hemaýat bermegimde Finlýandiýanyň, Şwesiýanyň we Türkiýäniň arasynda iýun aýynda gol çekişilen ylalaşygyň iş ýüzüne geçirilmegi we agzalyk tapgyrynyň nähili gutarjakdygy hakynda üçtaraplaýyn maslahat geçirmek boýunça ylalaşdyk” diýdi.
Türkiýäniň Finlýandiýanyň atgzalygyna oňyn garaýandygyny, Şwesiýa bilen bagly käbir meselelerin bardygyny aýdan Stoltenberg, iki ýurduň üstüne düşýän borjuny berjaý edýändigini, agzalyk teswirnamalarynyň iş ýüzüne geçirilme wagtynyň gelendigini mälim etdi.
