“Ukraina Degişli 2 Dolanşyk Merkezini Bombaladyk”
Igor Konaşenkow, rus goşunlarynyň Ukraina söweşinde ýeten sepgidi hakynda maglumat berdi
![“Ukraina Degişli 2 Dolanşyk Merkezini Bombaladyk”](http://cdn.trt.net.tr/images/xlarge/rectangle/0ea4/f3b4/8da8/626e632698263.jpg?time=1719106013)
Russiýanyň Goranmak ministrligi, Ukraina degişli 2 dolanşyk merkezini bombalandyklaryny habar berdi.
Ukrainanyň Goranmak ministrliginiň metbugat geňeşçisi Igor Konaşenkow, rus goşunlarynyň Ukraina söweşinde ýeten sepgidi hakynda maglumat berdi.
Ukrainanyň Lugansk sebitinde ýerleşýän Wrubowka we Ýakolewka etraplarynda 2 ýarag ammagyny hatardan çykarandyklaryny nygtan Konaşenkow, “Raketalar bilen 2 dolanşyk merkezini nyşana aldyk” diýdi.
Soňky 24 sagatda rus howa goranyş ulgamlary arkaly Ukraina degişli 12 uçarmansyz howa ulagyny hatardan çykarandyklaryny nygtan Konaşenkow;
“Häzire çenli Ukraina degişli 190 uçary, 129 dikuçary, 1139 uçarmansyz howa ulagyny, 333 howa goranyş ulgamyny, 3 müň 443 tanky we sowutly ulagy, 478 raketany we 3 müň 464 harby ulagy hatardan çykardyk” diýdi.
Ukrainaly esgerleriň Donesk sebitinde buthanany ýakandygyny aýdan Konaşenkow, Ukrainanyň Prezidenti Zelenskiniň, rus goşunlarynyň Ukrainadaky medeni mirasy bilkastlaýyn ýok edýändigi hakyndaky sözleriniň nädogrdygyny belledi.