Russiýa Ýuwaş Ummanda Türgenleşige Başlady
Russiýanyň Goranmak ministrligi 40-dan gowrak harby gämi, 20 harby uçar we dik uçarlar bilen Ýuwaş ummanda türgenleşik başladandygyny habar berdi.
Ministrlikden berilen beýannamada, deňiz flotunyň şu gün başladan harby türgenleşiginiň uzak deňiz zolagyna Admiral Sergeý Awakýansyň serkerdelik etmeginde geçirilýändigi mälim edildi.
Marşal Krylow adyndaky dolandyryş gämisi, Marşal Şapoşnikow fyrkaty, antideňizasty gämiler we korwetler, mina barlag gämileri bilen goldaýyjy gämileriň kesgitlenen ýerlerde iş alyp barýandygy nygtalyp; “Türgenleşigiň dowamynda gämi toparlary deňiz awiasiýasy bilen galp duşman deňizasty gämilerini gözlär, taktiki gämi toparlarynyň howa goranyşynyň guramaçylyk işleri berjaý ediler, ýüzleý we awia nyşanalarda söweşjek tälim türgenleşigi geçiriler. aýratynam deňizdäki güýçleriň logistikasy guralar” diýilýär.
Ýuwaş ummandaky türgenleşik, meýilnama laýyklykda 10-njy iýuna çenli dowam eder.
