NATO-dan Russiýa teklip
NATO Russiýa 12-nji ýanwarda howpsuzlyk temasyny ara alyp maslahatlaşmagy teklip etdi
![NATO-dan Russiýa teklip](http://cdn.trt.net.tr/images/xlarge/rectangle/43e1/105e/a562/61bc2c3757505.jpg?time=1718989190)
NATO-nyň Metbugat gullugy tarapyndan berilen beýanatda, Russiýanyň we NATO-nyň wekilleriniň howpsuzlyk bilen bagly deslapky şertleri ara alyp maslahatlaşmak üçin NATO-nyň Baş sekretary Ýens Stoltenbergiň 12-nji ýanwarde maslahatyň geçirilmegini teklip edendigi bellenip: "Ýens Stoltenberg Russiýa-NATO geňeşiniň başlygy hökmünde 2022-nji ýylyň 12-nji ýanwarynda maslahat geçirilmegini teklip etdi. Russiýa bilen aragatnaşyk içindediris" diýip habar berildi.
Russiýa Federasiýasynyň Prezidenti Wladimir Putiniň Metbugat sekretary Dmitriý Peskow: "Russiýanyň we NATO-nyň gepleşikler geçirmegi manyly bolar" diýip belläpdi.
Russiýanyň Daşary işler ministriniň orunbasary Aleksandr Gruşko bolsa: "Güni, modeli, formaty we wekiliýetiň düzüminde kimleriň boljakdygy bilen bagly meseleleriň üstünde işlenýär" diýip mälim etdi.