Saud Arabystany Ýemeniň Hökümetine Goldaw Bermäge Dowam Eder
"Eýran tarapyndan goldanýan Husilere garşy göreşde Ýemene goldaw bermäge dowam ederis"
Saud Arabystanynyň Goranmak ministriniň orunbasary Halid Bin Süleýman, ýurdunyň Eýran tarapyndan goldanýan Husilere garşy göreşde Ýemeniň hökümetine harby we syýasy taýdan goldaw bermäge dowam etjekdigini nygtady.
Bin Süleýman, ABŞ-nyň Prezidenti Jo Baýdeniň “Ýemende guralýan operasiýa berilýän goldawyň bes edilmegi” baradaky kararyndan soň Twitterden beren habarnamasynda “Saud Arabystany, Eýran tarapyndan goldanýan Husilere garşy göreşde ähli frontlarda Ýemeniň legal hökümetine syýasy we harby taýdan goldaw bermäge dowam eder” diýildi.
Saud Arabystanynyň Goranmak ministriniň orunbasary mundan başgada ýurdunyň Ýemende, Pars aýlag hyzmatdaşlyk geňeşiniň, BMG-nyň Howpsyzlyk geňeşiniň 2216 belgili kararyna we Milli Dialog konferensiýasynyň kararlaryna esaslanýan giň gerimli çözgüt tagallalaryna goldaw bermäge dowam edýändigini ýatlatdy.
