Eýranda Kowid-19 epidemiýasy sebäpli ýogalanlaryň sany 54 müň 156 adama ýetdi

Dünýäde täze görnüş koronawirus epidemiýasy sebäpli ýogalanlaryň sany 1 million 738 müň 970 adamdan geçdi. Dünýäde Kowid-19-a ýoluganlaryň sany 79 million 124 müň 960 adama, saglyk ýagdaýy gowulaşanlaryň sany bolsa 55 million 712 müň 735 adama ýetdi. 

Hindistanda soňky 24 sagatda ýene-de 312 adamyň ýogalmagy bilen, ýurtda koronawirus epidemiýasy sebäpli ýogalanlaryň sany 146 müň 778 adama ýetdi. Ýurtda şol bir wagt aralygynda wirusa ýoluganlaryň sany bolsa 24 müň 712 adamlyk artyş bilen, jemi 10 million 123 müň 778 adama ýetdi. Hindistan wirusa ýolugan adamlaryň sanynyň köplügi boýunça dünýäde 2-nji, koronawirus sebäpli ýogalan adamlaryň sanynyň köplügi boýunça bolsa dünýäde 3-nji ýurt.

Kowid-19 epidemiýasy sebäpli 54 müň 156 adamyň, 1 milion 177 müň 4 adamyň wirusa ýolugan Eýranda, ABŞ-nyň Tähranyň bank pudagyna garşy goýan çäklendirmelerinden gözbaş alýan koronawirus sanjymynyň üpjünçiligi bilen bagly meseläniň hötdesinden gelinendigi aýan edildi. Eýranyň Merkezi bankynyň başlygy Abdunnasyr Himmeti, sosial media hasabyndan beren beýanatynda, banklaryň biri bilen pul serişdeleriniň geçirilmegi babatynda ylalaşyk gazanandyklaryny we şu gün irden sanjymyň satyn alynmagy üçin pullaryň geçirilmegi barada buýruk berendigini habar berdi. Himmeti: "Eýranyň Merkezi banky koronawirus sanjymyny satyn almak üçin 200 million ýewro pul serişdesini bölüp aýyrdy. Gerek bolan halatynda has köp pul serişdesini aýyrarys" diýip habar berdi. Himmeti Saglygy goraýyş ministrligi bilen koordinasiýaly işleýändiklerini we sanjymy iň gysga wagtda ýurda getirjekdiklerini habar berdi.

Russiýada koronawirus epidemiýasy sebäpli soňky 24 sagatda ýene-de 635 adam ýogaldy we şeýlelik bilen epidemiýa sebäpli ýogalanlaryň sany jemi 53 müň 96 adama ýetdi. Ýurtda wirusa ýoluganlaryň sany bolsa 29 müň 935 adamlyk artyş bilen jemi 2 million 963 müň 688 adama ýetdi. 

Ysraýylda epidemiýa sebäpli ýogalanlaryň sany 3 müň 141 adama, wirus ýokanlaryň sany bolsa 384 müň 728 adama ýetdi. Ysraýyl 3-si Britaniýadan gaýdyp gelen jemi 4 adamda, Kowid-19-yň täze çalt ýaýraýan görnüşine gabat gelinendigini habar berdi.

Koronawirus epidemiýasynyň mutasiýa geçiren Günorta Afrika Respublikasynda soňky 24 sagatda ýene-de 411 adamyň ýogalmagy bilen, jemi ýogalanlaryň sany 25 müň 657 adama, wirusa ýoluganlaryň sany bolsa 14 müň 46 adamlyk artyş bilen, jemi 954 müň 258 adama ýetdi. 

Koronawirusyň ýüze çykan ýeri bolan Hytaýda, Kowid-19 sebäpli şu günki güne çenli 4 müň 634 adam ýogaldy. Ýurtda wirusa ýoluganlaryň sany bolsa 17 adamlyk artyş bilen jemi 86 müň 899 adama ýetdi. 

Günorta Koreýada soňky 1 günde ýene-de 19 adam epidemiýa sebäpli ýogaldy. Ýurtda koronawirus sebäpli ýogalanlaryň sany 756 adama ýetdi. Günorta Koreýada hasaba alynanlaryň sany bolsa 985 adamlyk artyş bilen 53 müň 533 adamdan geçdi.