56 Ýurtda 500 Žurnalist Täze Görnüş Koronawirus Sebäpli Ýogaldy

Dünýäde täze görnüş koronawirus epidemiýasy sebäpli ýogalanlaryň sany 1 million 487 müň, wirusa ýoluganlaryň sany 64 million 208 müň, sagalanlaryň sany 44 million 457 müň adamdan geçdi.

ABŞ-da Kovid-19 sebäpli ýogalanlaryň sany 276 müň 979, wirusa ýoluganlaryň sany 14 million 108 müň 606 adama ýetdi. Ýurtda koronawirusa garşy taýarlanan sanjymyň ilkinji nobatda saglygy goraýyş işlerine we garrylar öýlerinde bolýanlara ediljekdigi nygtaldy.

Britaniýada epidemiýa sebäpli ýogalanlaryň sany soňky 24 sagatda 603 adam artyp 59 müň 51, wirusa ýoluganlaryň sany 13 müň 430 adam artyp 1 million 643 müň 86 adama ýetdi.

Italiýada koronawirus sebäpli ýogalanlaryň sany soňky 1 günde 758 adam artyp 56 müň 361, wirusa ýoluganlaryň sany 19 müň 350 adam artyp 1 million 620 müň 901 adamdan geçdi.

Fransiýada epidemiýa sebäpli ýogalanlaryň sany soňky 24 sagatda 365 adam artyp 53 müň 506, hasaba alynan kesellileriň sany 8 müň 83 adam artyp 2 million 230 müň 571 adama ýetdi.

Ispaniýada Kovid-19 sebäpli ýogalanlaryň sany 1 günde 442 adam artyp 45 müň 511, wirusa ýoluganlaryň sany 8 müň 257 adam artyp 1 million 656 müň 444 adama ýetdi. Saglygy goraýyş ministri Salwador Illa, Senatda eden çykyşynda “Ikinji tapgyrda wirusy ýeňýäris. Wirusa ýoluganlaryň sany azalýar, emma ýene-de aladalandyryjy” diýdi.

Portugaliýanyň Saglygy goraýyş ministrligi Kovid-19 sebäpli ýogalanlaryň sanynyň soňky 24 sagatda 72 adam artyp 4 müň 577, wirusa ýoluganlaryň sanynyň 2 müň 401 adam artyp 300 müň 462 adama ýetendigini habar berdi.

Merkezi Şweýsariýanyň Ženewa şäherinde ýerleşýän žurnalistleriň jemgyýetçilik guramasy PEC mart aýyndan bäri 56 ýurtda jemi 500 žurnalistiň täze görnüş koronawirus sebäpli ýogalandygyny mälim etdi.