Kovid-19 dünýä ýurtlaryna howp ýetirmäge dowam edýär
Dünýäde koronawirusdan soň saglyk ýagdaýy gowulaşanlaryň sany 36 million 395 müň adama ýetdi
Dünýä derejesinde täze görnüş koronawirus epidemiýasy (Kovid-19) sebäpli ýogalanlaryň sany 1 million 279 müň adamdan geçdi. Dünýäde wirus ýokanlaryň sany 51 million 810 müň adama, saglyk ýagdaýy gowulaşanlaryň sany bolsa 36 million 395 müň adama ýetdi.
Hindistanda Kovid-19 sebäpli ýogalanlaryň sany 127 müň 615 adama, wirusa ýoluganlaryň sany bolsa 8 million 636 müň adama ýetdi.
Eýranda koronawirus epidemiýasy sebäpli ýogalanlaryň sany 39 müň 202 adama, hasaba alynanlaryň sany bolsa 703 müň 288 adama ýetdi.
Russiýada koronawirus sebäpli adam ýitgisi 31 müň 161-e, wirusa ýoluganlaryň sany bolsa 1 million 817 müň adama ýetdi.
Ýuwaş okeanda ýerleşýän Wanuatu döwletinde ilkinji Kovid-19 wakasy hasaba alyndy.
Afrika materiginde Kovid-19 epidemiýasy sebäpli ýogalanlaryň sany 46 müň 25 adama, wirusa ýoluganlaryň sany bolsa 1 million 916 müň adama ýetdi. Materikde Kovid-19 sebäpli ýogalanlaryň sany Günorta Afrika Respublikasynda 19 müň 951 adama, Müsürde 6 müň 394 adama, Marokkoda 4 müň 425 adama ýetdi.
