Russiýada Kovid-19 sebäpli ýogalanlaryň sany 20 müň 891 adama ýetdi

Dünýä derejesinde täze görnüş koronawirus epidemiýasy sebäpli ýogalanlaryň sany 1 million 19 müň adama, wirusa ýoluganlaryň sany 34 million 214 müň adama, saglyk ýagdaýy gowulaşanlaryň sany bolsa 25 million 462 müň adama ýetdi. 

Hindistanda ýene-de 1 müň 181 adamyň ýogalmagy bilen ýurtda Kovid-19 epidemiýasy sebäpli ýogalanlaryň sany 98 müň 708 adama ýetdi. Ýurtda soňky 24 sagatda ýene-de 86 müň 821 adamyň hasaba alynmagy bilen bolsa, wirusa ýoluganlaryň sany 6 million 312 müň 584 adama ýetdi. 

Eýranda Kovid-19 epidemiýasy sebäpli ýogalanlaryň sany soňky 24 sagatda ýene-de 211 adamyň ýogalmagy bilen, jemi ýogalanlaryň sany 26 müň 380 adama, wirusa ýoluganlaryň sany bolsa 3 müň 825 adamlyk artyş bilen 461 müň 44 adama ýetdi. 

Koronawirus epidemiýasy sebäpli ýogalanlaryň sany 20 müň 891 adama ýeten Russiýada, wirusa ýoluganlaryň sany 8 müň 945 adamlyk artyş bilen 1 million 185 müň 231 adama ýetdi. 

DKTR-nyň Saglygy goraýyş ministri Ali Pilli, ýurtda 65 gün arakesmeden soň ilkinji gezek Kovid-19 epidemiýasynyň hasaba alynmandygyny habar berdi. DKTR-da koronawirus epidemiýasy sebäpli şu günki güne çenli 4 adam ýogaldy, 757 adam hasaba alyndy. 

Ysraýylda koronawirus epidemiýasy sebäpli ýogalanlaryň sany 43 adamlyk artyş bilen 1 müň 571 adama ýetdi. Ýurtda soňky 24 sagatda ýene-de 8 müň 919 adamyň hasaba alynmagy bilen, wirusa ýoluganlaryň sany 248 müň 133 adama ýetdi. Premýer ministri Binýamin Netanýahu koronawirus epidemiýasyny gözegçilik astyna almak üçin başladylan karantin düzgüniniň ýylyň ahyryna çenli dowam edip biljekdigini mälim etdi. 

Koronawirus epidemiýasy sebäpli 61 adamyň ýogalan, wirusa ýoluganlaryň sany bolsa 11 müň 825 adama ýeten Iordaniýada ähli metjitler we ybadathanalar ybadata açylýar. Mekdepler bolsa ýene-de 2 hepde ýapyk bolar. 

Afrika materiginde koronawirus sebäpli ýogalanlaryň sany 193 adamlyk artyş bilen 35 müň 922 adama ýetdi. Materikde Kovid-19-a ýoluganlaryň sany bolsa 1 million 489 müň adama ýetdi. 

Günorta Afrika Respublikasynda koronawirus sebäpli ýogalanlaryň sany 16 müň 734 adama, wirusa ýoluganlaryň sany bolsa 674 müň 339 adama ýetdi. 

Palestinada Kovid-19 sebäpli ýogalanlaryň sany 376-a, wirusa ýoluganlaryň sany bolsa 51 müň 62 adama ýetdi. 

Saud Arabystanynda adam ýitgisi 4 müň 794-e, wirus ýokanlaryň sany 335 müň 97 adama ýetdi.