Dünýäde koronawirus epidemiýasy sebäpli ýogalanlaryň sany 722 müň adamdan geçdi
Fransuz Ylym geňeşi güýz aýlarynda ýada gyş paslynda epidemiýada ikinji tolkunyň başdan geçirilmegine alada bildirýär
Dünýäde täze görnüş koronawirus epidemiýasy sebäpli ýogalanlaryň sany 722 müň, wirusa ýoluganlaryň sany 19 million 480 müň, wirusy ýeňenleriň sany 12 million 475 müň adamdan geçdi.
Epidemiýanyň merkezi ABŞ-da koronawirus sebäpli ýogalanlaryň sany 164 müň, wirusa ýoluganlaryň sany 5 million adamdan geçdi. Nýu-Ýorkyň gubernatory Andrew Kuomo, ştatda täze görnüş koronawirusa ýoluganlaryň sanynyň azalmaga başlandygyny we güýz aýlarynda mekdepleriň açylmagyna rugsat berjekdiklerini aýtdy. Ştatda wirus sebäpli ýogalanlaryň sany 33 müň adama ýetdi.
Fransiýada epidemiýa sebäpli ýogalanlaryň sany soňky 24 sagatda 12 adam artyp 30 müň 324, wirusa ýoluganlaryň sany 2 müň 288 adam artyp 224 müň 638 adama ýetdi. Fransuz Ylym geňeşi güýz aýlarynda ýada gyş paslynda epidemiýada ikinji tolkunyň başdan geçirilmegine alada bildirýär.
