Eýranda Kovid-19 epidemiýasy sebäpli ýogalanlaryň sany16 müň 343 adama ýetdi

Dünýä derejesinde täze görnüş koronawirus epidemiýasy sebäpli ýogalanlaryň sany 664 müň 602 adamdan, wirusa ýoluganlaryň sany 16 million 956 müň 317 adamdan, saglyk ýagdaýy gowulaşanlaryň sany bolsa 10 million 506 müň 352 adamdan geçdi.

Şu günki güne çenli 16 müň 343 adamyň ýogalan Eýranda, jemi 298 müň 909 adama wirus ýokdy. Eýranyň Lukmançylyk Geňeşiniň başlygy Ali Fettahi, ýurtda şu günki güne çenli saglygy goraýyş edaralarynyň 6 müňden gowrak işgäriniň koronawirusa ýolugandygyny habar berdi. 

Hindistanda soňky 24 sagatda ýene-de 768 adamyň ýogalmagy bilen ýurtda Kovid-19 sebäpli ýogalanlaryň sany 34 müň 485 adama, wirusa ýoluganlaryň sany bolsa 48 müň 513 adam artyp, 1 million 558 müň 447 adama ýetdi.

Russiýada şu günki güne çenli Kovid-19 sebäpli adam ýitgisi 13 müň 673-e, koronawirus ýokanlaryň sany bolsa 828 müň 990 adama ýetendigi habar berildi.  

Koronawirus epidemiýasy sebäpli 4 müň 603 adamyň ýogalan Yrakda, ýurdyň Kerkük şäherinde bir topar, haýyr-sahawat eden adamlar tarapyndan berilen kislorod balonlaryny kesellän adamlara ýetirip, Kovid-19-a garşy göreşe goldaw berýärler. 

Belarussiýanyň Prezidenti Aleksandr Lukaşenko, täze görnüş koronawirusa ýolugandygyny we Kovid-19 hötdesinden gelendigini habar berdi. Belarussiýanyň Saglygy goraýyş ministrliginden berilen beýanata görä, soňky 24 sagatda koronawirus epidemiýasy sebäpli ýene-de 5 adamyň ýogalandygyny, şeýlelik bilen ýurtdaky adam ýitgisiniň 543-e ýetendigi aýan edildi. Ýurtda wirus ýokanlaryň sany bolsa 115 adam artyp, 67 müň 366 adama ýetdi.

Ysraýylda soňky 24 sagatda Kovid-19 bilen kesellän ýene-de 12 adamyň ýogalmagy bilen, ýurtdaky adam ýitgisi 486-a, wirus ýokanlaryň sany bolsa 3 müň 165 adam artyp, 65 müň 791 adama ýetdi.

Afrika materiginde soňky 24 sagatda koronawirus epidemiýasy sebäpli ýogalanlaryň sany 322 adam artyp, 18 müň 540 adama ýetdi. Materikde wirusa ýoluganlaryň sany bolsa 13 müň 499 adam artyp, 877 müň 593 adama ýetdi. 

Şu günki güne çenli koronawirus pandemiýasy sebäpli 4 müň 634 adamyň ýogalan Hytaýda, ýene-de 101 adama wirus ýokmagy bilen koronawirusa ýoluganlaryň sany 84 müň 60 adama ýetdi. 

Wirus sebäpli şu günki güne çenli 300 adamyň ýogalan Günorta Koreýada soňky 48 sagatda Kovid-19-a ýolugan adam hasaba alynmady. Ýurtda koronawirus epidemiýasyna şu günki güne çenli 14 müň 251 adam ýolugypdy. Günorta Koreýanyň resmileri ýurtda 2-nji tolkun epidemiýanyň ýokdugyny, emma öňüni alyş çärelerini görmäge dowam edýändiklerini habar berdiler. 

Şu günki güne çenli 2 müň 789 adamyň ýogalan Saud Arabystanynda, haç parzyny ýerine ýetirýän adamlaryň Käbedäki parzlaryny Kovid-19-a garşy görülen çäreleriň çäginde amala aşyrýarlar. Käbedäki parzlaryny ýerine ýetirýän hajylaryň sosial araçäk düzgünlerini berjaý edýändikleri aýdylýar.