Terrordan saplanan Bab etrabynda guralan bombaly hüjümde 11 adam ýaralandy

Siriýanyň demirgazygynda ýerleşýän Bab etrabynda agzaçar wagty guralan bombaly hüjümde asuda ilatdan 11 adam ýaralandy.

Türk ýaragly güýçleriniň “Ýefrat Galkany” operasiýasy netijesinde terrordan saplanan Bab etrabynda uly köçeleriň birinde goýlan bomba, halkyň agzaçara taýarlanýan pursatlarynda ýaryldy.

Milli Goranmak ministrliginden berlen beýanatda, hüjümde asuda ilatdan azyndan 11 adam ýaralandy.

Ýaralananlar etrapdaky hassahanada bejeri astyna alyndy.

Hüjümiň ekstremist terror guramasy ÝPG/PKK tarapyndan guralandygy öňe sürülýär.

Tel Rifatda we Manbiçde basyp alyşlygyny dowam etdirýän terror guramasy Bab, Azez, Jarablus we Afrin etraplarynda hem ýygy-ýygyndan terrorçylykly hüjümler guraýar.