“Kowid-19 Wuhandaky Laboratoriýalardan Birinde Öndürildi”
Bu garaýyş belli fransuz lukmany tarapyndan beýan edildi
![“Kowid-19 Wuhandaky Laboratoriýalardan Birinde Öndürildi”](http://cdn.trt.net.tr/images/xlarge/rectangle/fbb2/1dd3/8226/5e9a9968cac86.jpg?time=1719164384)
Nobeliň lukmançylyk baýragynyň laureaty fransuz lukmany Luk Montagni täze görnüş koronawirusyň Hytaýyň Wuhan şäherindäki laboratoriýalardan birinde öndürilendigini öňe sürdi.
Luk Montagnie: “Pourquoi docteur” atly internet sahypasyna beren interwýusynda, täze görnüş koronawirusyň Wuhanda mal bazarynda ýüze çykandygyna ynanmaýandygyny aýtdy.
“Covid-19 Wuhandaky laboratoriýalardan birinde öndürildi. Şol laboratoriýa 2000-nji ýyllardan bäri koronawirus boýunça ýöriteleşdirildi” diýen Montagni, meseläni ähli taraplaýyn öwrenendigini nygtady.
Montagni “CNEWS” ýaýlymyna beren beýannamasynda bolsa; “Bu wirus tebigy şertlerde ýüze çykmady, dolulygyna hünärmenleriň işi. Onuň haýsy maksat üçin edilendigini bilemok” diýdi.
Covid-19-da HIV-iň bölejikleriniň bolup biljekdigini beýan eden Montagni: “Şonuň bilen SPID-e garşy sanjym tapmak islenen bolmagy mümkin” diýdi.