Eýran Türkiýä minetdarlyk bildirdi
Eýranyň Ankara şäherindäki Adatdan daşary we doly ygtyýarly ilçisi Muhammed Ferazmend mesele bilen bagly beýanat berdi
![Eýran Türkiýä minetdarlyk bildirdi](http://cdn.trt.net.tr/images/xlarge/rectangle/ea0c/e68a/8cdf/5e81e7aaf2e89.jpg?time=1719201791)
Eýranyň Ankara şäherindäki Adatdan daşary we doly ygtyýarly ilçisi Muhammed Ferazmend, täze görnüş epidemiýasyna garşy göreşiň çäginde Türkiýäniň Eýrana ugradan lukmançylyk we ynsanperwer kömekleri üçin minnetdarlyk bildirdi.
Kovid-19 epidemiýasynyň soňky ýyllarda dünýäde ozal görülip-eşidilmedik krizisiň ýüze çykmagyny sebäp bolandygyny aýdan ilçi Ferazmend, ykdysady sanksiýalar goýan ABŞ-nyň Ýewropa ýurtlaryna Eýrana ynsanperwer kömek bermek babatynda rugsat bermeýändigini belledi.
Ilçi Ferazmend: "Bütin dünýä syýasy we geografik tapawutlylyklary bir gyra aýyryp, bu ýumuryjy wirusa garşy biri-biriniň elinden tutmaly we bilelikde göreşmelidir" diýip belledi.
Türkiýäniň Eýrana ugradan zatlarynyň arasynda dermanlar, maskalar, ýörite formalar, ellikler, äýnekler, gyzgyn ölçeýji enjamlar, eliňi we ýüzüňi dezinfisirleýän serişdeler bar.