Abbas bilen Zarif ABŞ-nyň toslama parahatçylyk meýilnamasy hakynda pikir alyşdy
Mahmud Abbas bilen Jawad Zarif telefon arkaly söhbetdeşlik geçirdi
Eýranyň hökümeti tarapyndan berlen beýanata görä, Palestinanyň Prezidenti Mahmud Abbas bilen Eýranyň Daşary işler ministri Jawad Zarif telefon arkaly söhbetdeşlik geçirdi.
Abbas bilen Zarif telefon söhbetdeşliginde ABŞ-nyň Prezidenti Trampyň geçen hepde halk köpçüligine ýetiren toslama Ýakyn Gündogar parahatçylyk meýilnamasy hakynda pikir alyşdy.
Ady agzalýan meýilnamany kabul etmeýändiklerini aýdan Zarif bilen Abbas, yslam dünýäsiniň Palestinanyň ähli hak-hukuklaryna goldaw bermelidigini we arkalaşykly hereket etmelidigini nygtady.
Beýleki tarapdan Eýranyň Daşary işler ministri Jawad Zarif, Hytaýyň Daşary işler ministri Wang Ýi, Pakistanyň Daşary işler ministri Şah Mahmud Kureýşi we Alžiriň Daşary işler ministri Sabri Bukadum bilen telefon arkaly söhbetdeşlik geçirdi.
Zarif telefon söhbetdeşliklerinde gün tertibinde esasy orun eýeleýän aktual meseleler hakynda pikir alyşdy.