Yrakda Süleýmani we Mühendis üçin 3 günlik ýas yglan edildi
Hüjümde Süleýmani we eýranly ofiserler bilen birlikde aralarynda Mühendis hem bolan 5-i yrakly jemi 10 adam ýogaldy
![Yrakda Süleýmani we Mühendis üçin 3 günlik ýas yglan edildi](http://cdn.trt.net.tr/images/xlarge/rectangle/bbf1/2535/6136/5e119d3213e06.jpg?time=1719042785)
Yragyň Premýer ministri Adil Abdülmehdi, Bagdatda ABŞ-nyň hüjüminde öldürilen Eýranyň Ynkylap goragçylary goşunynyň çäginde iş alyp barýan Iýerusalim güýjüniň serkerdesi general Kasym Süleýmani we Haşdi Şabi söweşijileriniň başlygynyň orunbasary Abu Mehdi Al-Mühendis bilen beýleki 8 adam üçin 3 günlik ýas yglan etdi.
Yragyň Premýer ministri Adil Abdülmehdiniň ofisinden berilen beýanatda: “Ýaragly güýçleriň serkerdesi we ýurdyň Premýer ministri Adil Abdülmehdi, şehit bolan adamlar üçin şu günden başlap 3 günlik ýas yglan etdi” diýip habar berildi.
ABŞ-nyň Goranmak ministrligi Pentagon, Eýranyň Ynkylap goragçylary goşunynyň çäginde iş alyp barýan Iýerusalim güýjüniň serkerdesi general Kasym Süleýmaniniň we Haşdi Şabi söweşijileriniň başlygynyň orunbasary Abu Mehdi Al-Mühendisiň Bagdat howa menziliniň golaýynda guralan hüjümde öldürilendigini habar beripdi.
Hüjümde Süleýmani we eýranly ofiserler bilen birlikde aralarynda Mühendis hem bolan 5-i yrakly jemi 10 adam ýogaldy.