Yrakda Amerikaly esgerleriň iş alyp barýan harby merkezine raketa hüjümi guraldy

ABŞ-nyň ýolbaşçylygyndaky terror guramasy DAIŞ-e garşy hyzmatdaş güýçleri, Amerikaly esgerleriň iş alyp barýan ýeri bolan Yragyň Kerkuk şäherindäki K1 harby merkezine guralan raketa hüjüminde amerikaly1 hünärmeniň ýogalandygyny, amerikaly we yrakly birnäçe esgeriň hem ýaralanandygyny mälim etdi.

ABŞ-nyň ýolbaşçylygyndaky DAIŞ-e garşy hyzmatdaşlyk tarapyndan berlen ýazmaça beýanatda “27-nji dekabrda Yragyň wagty boýunça 07.20-de hyzmatdaş güýçleriniň esgerleriniň hem iş alyp barýan ýeri bolan Kerkukdaky harby merkeze guralan raketa hüjüminde amerikaly 1 hünärmen ýogaldy, amerikaly we yrakly birnäçe esger hem ýaralandy” diýildi.

Beýanatda Yragyň howpsyzlyk güýçleriniň waka hakynda derňew işini gozgandygy ýatladyldy.

Kerkugyň Içeri işleri müdüri Ali Kemal, terror guramasy DAİŞ-iň şäheriň günbatarynda ýerleşýän we Amerikaly esgerleriň iş alyp barýan ýeri bolan K1 harby merkezeine 3 katýuşa raketasyny atandygyny mälim etdi.