Russiýanyň paýtagty Moskwada protest geçirildi
Russiýada on müňlerçe adam, soňky hepdelerde geçirilen protestlerde göz tussaglygyna alynanlaryň we tussag edilenleriň azat edilmegi üçin protest geçirdi
![Russiýanyň paýtagty Moskwada protest geçirildi](http://cdn.trt.net.tr/images/xlarge/rectangle/3ffc/e435/ca72/5d91a160bcdda.jpg?time=1718959304)
Russiýanyň Içeri işler ministrliginden berilen beýanatda, düýn paýtagt Moskwada geçirilen proteste takmynan 20 müň adamyň gatnaşandygy mälim edilen bolsa, jemgyýetçilik guramalary bu sany 25 müň diýip aýan etdiler.
Paýtagt Moskwadaky Saharow bulwarynda takmynan 2 sagat dowam eden demonstrasiýa rus oppozisionerlerden Galplyga garşy göreş gaznasynyň esaslandyryjysy Alekseý Nawalnyý bilen birlikde, Lýubow Sobol, Iwan Ždanow, Ýuliýa Galýamina we ýurdyň iň meşhur YouTube ýyldyzlaryndan biri bolan Ýuriý Duda gatnaşdy.
“Putini islämzok”, “Syýasy tussaglylara azatlyk”, “Ogry hökümet gitsin” ýaly şygarlar aýdan demonstrantlar, protestlerde göz tussaglygyna alynanlaryň we tussag edilenleriň iň gysga wagtda azat edilmegini islediler.
Moskwada soňky aýlarda hepdäniň ahyrky günleri geçirilen protestlerde ýüzlerçe adam göz tussaglygyna alynypdy, ençeme adam bolsa tussag edilipdi.