Demirgazyk Koreýa BMG-den Phenýandaky işgärleriniň sanyny azaltmagyny isledi
Demirgazyk Koreýanyň hökümeti, BMG-den paýtagt Phenýandaky işgärleriniň sanyny azaltmagyny isledi
![Demirgazyk Koreýa BMG-den Phenýandaky işgärleriniň sanyny azaltmagyny isledi](http://cdn.trt.net.tr/images/xlarge/rectangle/a08f/27b9/51d2/599d17d5ef78f.jpg?time=1719128108)
BMG-nyň Baş sekretarynyň metbugat geňeşçisi Stefan Dýužarrik, gündelik metbugat ýygnagynda, Demirgazyk Koreýadan BMG-nyň işgärleriniň sanynyň azaldylmagy bilen bagly talap alandyklaryny habar berdi.
Demirgazyk Koreýaly resmiler bilen Phenýandaky işgärleriniň sanynyň azaldylmagy babatynda pikir alyşandyklaryny aýdan Stefan Dýužarrik, BMG-nyň we beýleki halkara guramalaryň 2018-nji ýylda Demirgazyk Koreýada mätäçlik çekýän 2 milliondan gowrak adamy hasaba alandygyny mälim etdi.
BMG-nyň Galkynyş programmasy, Bütindünýä Saglygy goraýyş guramasy we ÝUNISEF Demirgazyk Koreýada iş alyp barýan BMG-nyň edaralardyr.
Demirgazyk Koreýa ýadro programmasy sebäpli 2006-njy ýyldan bäri ykdysady we harby embargolaryň astynda.
BMG-nyň berýän habaryna görä, Demirgazyk Koreýada ilatyň 40 göterimini emele getirýän 10 milliondan gowrak adam ynsanperwer kömege mätäç.