Talibana agza terrorçylar ýene-de bir hüjüm gurady

Terror guramasy Talibana agza terrorçylaryň, Owganystanyň demirgazygyndaky Baglan welaýatynyň Nahreýin etrabyndaky harby birikmä guran hüjüminde 25 howpsyzlyk gullukçysynyň ýogalandygy mälim edildi. 

Baglanyň welaýat şurasynyň wekili Muhammed Hanif Kohgedai, metbugata beren beýanatynda terrorçylaryň Nahreýin etrabyndaky birikmä hüjüm guramagy netijesinde 25 goragýynyň ýogalandygyny aýan etdi. 

Hüjümde 8 goragçynyň bolsa ýaralanandygyny aýdan Kohgedai, sebite goşmaça harby güýçleriň gönükdirilendigini habar berdi. 

Şaýatlar bolsa hüjümde 30 adamyň ýogalandygyny beýan etdiler. 

Taliban tarapyndan bolsa entek beýanat berilmedi.