Ýemende söweşýän taraplar 2 müň 700 çagany ýarag astyna aldy
Ýemende söweşlerden iň köp zyýan görenleriň çagalardygy aýdylýan beýanatda, çagalaryň söweşe gatnaşdyrmaly däldigi nygtaldy
ÝUNISEF-iň Ýemendäki bölüminiň Twitter hasabyndan berilen ýazmaça beýanatda, söweşýän taraplar 2 müň 700 çagany zor bilen söweşdirýändigi, ondan başgda bolsa ýemenli gyzlaryň 2/3 böleginiň 18 ýaşyna ýetmeden durmuşa çykarylýandygy habar berildi.
Ýemende söweşlerden iň köp zyýan görenleriň çagalardygy aýdylýan beýanatda, çagalaryň söweşe gatnaşdyrmaly däldigi nygtaldy.
ÝUNISEF tarapyndan berilen beýanatda, Ýemen-de 2015-nji ýyldan bäri 6 müň 700-den gowrak çaganyň ýogalandygy mälim edildi.
Eýýäm ençeme wagt bäri syýasy durnuksyzlyk dowam edýän Ýemende Husiler, 2014-nji ýylyň sentýabr aýyndan bäri paýtagt Sana başda bolmak bilen ýurdyň käbir ýerlerini öz gözegçiligi astynda saklaýar.
Saud Arabystanynyň ýolbaşçylygyndaky Koalisiýa güýçleri bolsa 2015-nji ýylyň mart aýyndan bäri Husilere garşy Ýemeniň hökümetine goldaw berýär.
Ýemende 4 ýyldan gowrak wagt bäri dowam edýän çaknyşyklarda müňlerçe adam ýogaldy.
