Russiýanyň Sankt-Peterburg şäherinde uniwersitetiň binasy çökdi
21 adam harabalyklaryň aşagynda galdy
1146709
![Russiýanyň Sankt-Peterburg şäherinde uniwersitetiň binasy çökdi](http://cdn.trt.net.tr/images/xlarge/rectangle/cb68/8055/91e5/5c599a5e3551d.jpg?time=1719138501)
Russiýanyň Sankt-Peterburg şäherinde uniwersitetleriň biriniň binasynyň bir böleginiň çökmegi netijesinde 21 adam harabalyklaryň aşagynda galdy.
Sankt-Peterburg şäheriniň Maglumat tehnologiýasy, mehanika we optika uniwersitetiniň binasynyň 5-nji gaty 2-nji gata çenli çökdi.
Russiýanyň Adatdan daşary ýagdaýlar ministrligi binanyň abatlaýyş işlerinde ýalňyş işleriň geçirilmegi sebäpli çöken bolup biljekdigini habar berdi.
Halas ediji toparlar 60-dan gowrak adamy halas etdiler.
Çöken binanyň aşagynda bolsa ýene-de 21 adamyň bardygy çak edilýär.
Wakanyň bolan ýerinde halas ediş işleri dowam edýär.
Waka bilen baglanşykly derňew işi başladyldy.