Indoneziýada ýer titremesi boldy
Tebigy heläkçilikde ilkinji kesgitlemelere görä 1 adam ýogaldy
1016947
Indoneziýanyň Günbatar Sumatra sebitinde bolan 5,5 bal ululygyndaky ýer titremede ilkinji kesgitlemelere görä 1 adam ýogaldy.
Indoneziýanyň Meteorologiýa, klimat we geofizika guramasy ýer titremäniň Solok şäheriniň 15 km günorta-günbatarynda, ýeriň 14 km aşagynda emele gelendigini habar berdi.
“Tempo” gazedi Solok şäheriniň Rawang obasynda ýer titremede öýleriň biriniň diwarynyň ýumrulmagy netijesinde 1 adamyň ýogalandygyny beýan etdi.
Ýer titremäniň bolan ýerinde 23 bina zeper ýetdi, 2 adam ýeňil ýagdaýda ýaralandy.
