Owganystanda saýlaw merkezine bombaly hüjüm guraldy
Hüjümde 6 adam ýaralandy
960821
![Owganystanda saýlaw merkezine bombaly hüjüm guraldy](http://cdn.trt.net.tr/images/xlarge/rectangle/83ea/7749/003f/5adc5f00bf1d8.jpg?time=1719157384)
Owganystanyň Nangarhar welaýatynyň merkezi Jelalabad şäherinde saýlaw merkezine guralan bombaly hüjümde 6 adam ýaralandy.
Nangarharyň gubernatorlygynyň metbugat geňeşçisi Ataullah Hogýani üç tigirli motosikle ýerleşdirilen bombanyň şäherinde merkezindäki saýlaw merkeziniň öňünde partladylandygyny habar berdi.
Hüjümde 6 adamyň ýaralanandygyny aýdan Hogýani hassahana ýatyrylan ýaralanan adamlaryň saglyk ýagdaýlarynyň gowudygyny mälim etdi.
Hjümiň jogapkärçiligini entek öz üstüne alan ýok.
Geçen hepde Kabuldaky saýlaw merkeziniň birine guralan hüjümde 57 adam ýogalypdy.