Siriýada çaknyşyksyz zolakda bazar ýerine guralan howa hüjüminde asuda ilatdan 42 adam ýogaldy
Hüjümde ýogalanlaryň sanynyň artmagyna alada bildirilýär
935796
![Siriýada çaknyşyksyz zolakda bazar ýerine guralan howa hüjüminde asuda ilatdan 42 adam ýogaldy](http://cdn.trt.net.tr/images/xlarge/rectangle/5f94/38b5/90c7/5ab4a0652b8de.jpg?time=1719104527)
Siriýanyň Idlib şäherinde çaknyşyksyz zolakdaky Harem etrabyndaky bazar ýerine guralan howa hüjüminde asuda ilatdan 42 adam ýogaldy, 72 adam ýaralandy.
Mesele hakynda berlen beýanatda düýn agşamara Harem etrabyndaky bazar ýerine guralan howa hüjüminde 42 adamyň ýogalandygy, 72 adamyň ýaralanandygy nygtaldy.
Gözleg we halas ediş işleri güýçli depginde dowam edýär. Hüjümde ýogalanlaryň sanynyň artmagyna alada bildirilýär.
Siriýaly oppozisionerler tarapyndan berlen beýanatda hem “Hymeýmim bazasyndan uçan rus harby uçarlary Harem etrabyna hüjüm gurady” diýildi.
Soňky iki hepde-de Idlibde we Hamada guralan howa hüjümlerinde asuda ilatdan 98 adam ýogaldy, 134 adam ýaralandy.