Mettis: “Türkiýe Zeýtun şahajygy operasiýasy babatynda bize duýduryş berdi”
ABŞ-niň Goranmak ministri Jeýms Mettis Türkiýäniň Türkiýäniň Zeýtun şahajygy operasiýasy babatynda özlerine duýduryş berendigini habar berdi
![Mettis: “Türkiýe Zeýtun şahajygy operasiýasy babatynda bize duýduryş berdi”](http://cdn.trt.net.tr/images/xlarge/rectangle/4cf9/747b/a3df/5a5067c77c602.jpg?time=1719064191)
Amerikan mediasynda berilýän habarlara görä Mettis Günorta-gündogar Aziýa ýurtlaryna sapara çykan mahaly uçarda metbugat işgärlerine Türkiýäniň Ýaragly güýçleriniň Siriýanyň demirgazyk-günbataryndaky Afrin sebitinde ÝPG/PKK we DAIŞ-e agza terrorçylary täsirsiz ýagdaýda getirmek üçin başladan operasiýasy barada maglumat berdi.
Türkiýäniň möhüm bir NATO hyzmatdaşydygyny aýdan Mettis: “Türkiýäniň kanuny howpsyzlyk aladalary bar” diýdi.
Hüjümden ozal Türkiýäniň ABŞ-e duýduryş berendigini aýdan Mettis: “Türkiýe açyk sözlüdi. Howa hüjümlerini guramadan ozal, hüjümi gurajakdyklary barada bize duýduryş berdi” diýdi.
Mundan başgada Mettis Türkiýäniň Ýaragly güýçleriniň Afrine guraýan operasiýa sebäpli sebitdäki amerikan esgerleriniň howpsyz ýagdaýdadygyny belledi.