Arap Parlamenti Husilere bikanun ýollardan ýarag berýän Eýrana basyş edilmegini isledi

Arap Parlamenti BMG-nyň Baş Assambleýasyndan Howpsyzlyk geňeşinden Ýemendäki Husilere bikanun ýollardan ýarag berýän Eýrana basyş edilmegini isledi.

Müsüriň paýtagty Kairdäki Arap Ligasynyň merkezi jaýynda geçirlen Arap Parlamentiniň maslahatynda Ýemen krizisi ara alnyp maslahatlaşyldy.

Eýranyň BMG-nyň Howpsyzlyk geňeşiniň kararlaryna laýyklykda hereket etmelidigi, sebitara we halkarara parahatçylyga we dünýäniň yksadyýetine wehim salýan hereketleriniň jogapkärçiligini öz üstüne almalydyga ünsi çeken Arap Parlamenti, Husileriň Saud Arabystanynyň paýtagty Riýada guran balistiki roketa hüjümini hem berk ýazgardy.

Ýemeniň Prezidenti Abdurabbu Mansur Hadiniň ýolbaşçylygyndaky legal hökümete goldaw bermäge dowam etjekdiklerini aýan eden Arap Parlamenti, ýurtdaky syýasy krizisiň çözülmegi üçin BMG-nyň Howpsyzlyk geňeşine “Husilere basyş edilmegi” çagryşyny berdi.

Arap Parlamenti Eýranyň Husilere berýän ýarag kömegininde ýüz öwürmegi üçin Eýrana basyş edilmegini isleýär.

Arap Parlamentiniň ady agzalýan aýyplamalary barada heniz Resmi Tähran tarapyndan hiç hili beýanat berilmedi.