Makron 2015-nji ýylda gazanylan ylalaşyga düzedişleriň girizilmelidigini aýtdy
Makron şeýlede “Eýranyň sebitdäki ygtyýarlyklarynyň çäklendirilmelidigini” hem nygtady
Fransiýanyň Prezidenti Emmanuel Makron Eýran bilen P5+1 ýurtlarynyň arasynda 2015-nji ýylda gazanylan ýadro ylalaşygynyň bozulmaly däldigini, emma häzirki şertlerde oňa käbir düzedişleriň girizilmelidigini aýtdy.
Dubaýda geçirilen metbugat ýygnagynda mesele boýunça garaýyşlaryny beýan eden Makron; “2015-nji ýylda gazanylan ýadro ylalaşygy bozulmaly däl, eýsem şol ylalaşykdan çekilmek baradaky karar dessine bir urşa ýa-da Demirgazyk Koreýa bilen bolan şertlere meňzeş wakanyň ýüze çykmagyna sebäp boljak doly gözegçiliksizlige sebäp bolar” diýdi.
Şol bir wagtda häzirki şertlerde 2015-nji ýylda gazanylan ylalaşygyň geriminiň daralandygyny we ylalaşyga goşmaça maddalaryň girizilmelidigini aýdan Makron; “Şunuň bilen bilelikde 2015-nji ýylda gol goýulan ylalaşygyň indi ýeterli bolmandygyny pikir edýärin. Ylalaşygy ýaňadandan seljermek ýa-da bes etmek gerek däl, emma ylalaşyga iki sany madda goşulmaly” diýdi.
Fransuz lideri ilki bilen Eýranyň sebitdäki “adatdan daşary howply” ballistiki taýarlyklarynyň seljerilmäge başlanmalydygyna, şeýle-de Eýranyň ýadro maksatnamasynyň çäkleriniň doly anyklanmagynyň we gerek bolan halatynda sanksiýa goýulmalydygyna ünsi çekdi.
Makron şeýlede “Eýranyň sebitdäki ygtyýarlyklarynyň çäklendirilmelidigini” hem nygtady.
