4 lider Ukraina meselesini ara alyp maslahatlaşdy
Russiýanyň, Germaniýanyň, Fransiýanyň we Ukrainanyň liderleri telefon arkaly Ukraina meselesini ara alyp maslahatlaşdy
Nemes hökümetiniň metbugat geňeşçisi Steffen Seibert Russiýanyň Prezidenti Wladimir Putiniň, Germaniýanyň Federal Kansleri Angela Merkeliň, Fransiýanyň Prezidenti Emmanuel Makronyň we Ukrainanyň Prezidenti Petro Poroşenkonyň Normandiýa formadynda geçirlen telefon söhbetdeşliginde Donbassda şu gün başlajak we täze okuw ýylynda dowam etjek çaknyşyklaryň bes edilmegi barasyndaky ylalaşyga goldaw berýändiklerini nygtady.
Beýanatda liderleriň ady agzalýan ylalaşygyň Donbassdaky okuwçylaryň we asuda ilatyň howpsyzlygy taýdan möhümdigi bellenildi.
Putin, Merkel, Makron we Poroşenko Ukrainanyň gündogarynda ýerleşýän Donbassda yzygiderli ylalaşygyň gazanylmagy we Minsk şertnamasynyň ýerine ýetirilşi meselesinde aragatnaşyklar saklajakdyklaryny nygtadylar.
Ukraina bilen Russiýanyň arasynda Donbass meselesinde başdan geçirlen dartgynlyk sebäpli Russiýadan, Germaniýadan, Fransiýadan we Ukrainadan ybarat Normandiýa dörtlüginiň 2015-nji ýylyň fewral aýynda baglaşan Minsk şertnamasy, Ukrainanyň gündogarynda çaknyşyklaryň bes edilmegini we front liniýasyndan agyr ýaraglaryň çekilmegi ýaly maddalary öz içine alýardy.
