Eýranly esgeriň töweregindäkilere od açmagy netijesinde 4 harby ýogaldy
Esgeriň aklyny ýitirendigi ýa-da ýaragynyň gözegçilik astyndan çykandygy çak edilýär.
![Eýranly esgeriň töweregindäkilere od açmagy netijesinde 4 harby ýogaldy](http://cdn.trt.net.tr/images/xlarge/rectangle/d725/0107/ec2e/59880fad8c8ff.jpg?time=1719020344)
Eýranyň paýtagty Tähranda ýurdyň Harby howa güýçlerine degişli harby tälim meýdançasynda bir esgeriň töweregindäkilere od açmagy netijesinde 1-i maýor çinli bolan 4 harby ýogaldy, 8 esger bolsa ýaralandy.
Eýranyň goşunyna degişli AJA internet saýtynyň berýän habaryna görä Kehrizek harby tälim meýdançasynda 1 esgeriň od açmagy netijesinde 4 harby ýogaldy, 8 esger bolsa ýaralandy.
Esgeriň aklyny ýitirendigi ýa-da ýaragynyň gözegçilik astyndan çykandygy çak edilýär.
Beýleki tarapdan Mehr habarlar agentligine beýanat beren Kehrizek welaýatynyň mejlisiniň başlygy Muhammed Haşimi wakanyň Sistan-Buljystanly esgeriň ýaragly hüjümi netijesinde bolandygyny, ýogalanlaryň biriniň maýor çinlidigini mälim etdi.
Ýurtda geçen aý Kazwin welaýatyndaky Abik harby bazasynda esgerleriň biriniň od açmagy netijesinde 3 esger ýogalypdy, 5 esger bolsa ýaralanypdy.