Birleşen Arap Emirlikleriniň Demirgazyk Koreýadan ýarag alandygy öňe sürülýär
Resminamalarda Demirgazyk Koreýa bilen BAE-niň arasynda 100 million dollarlyk ýarag söwdasynyň edilendigi nygtalýar
Merkezi ABŞ-nyň paýtagty Waşingtonda ýerleşýän Pars işleri institutynyň 18-nji iýunda çap eden habarnamasynda ABŞ-nyň Döwlet sekretarlygyna degişlidigi öňe sürülýän käbir gizlin resminamalara ýer berildi.
Resminamada ýer alýan we Demirgazyk Koreýa bilen Birleşen Arap Emirlikleriniň arasyndaky gatnaşyklar hakyndaky resminamalaryň BAE-niň Waşingtondaky ilçisi Ýusuf Al Uteýbeniň internet garakçylary tarapyndan ele geçirlen elektronik poçta salgysyndan alynandygy nygtalýar.
Gizlin resminamalaryň ABŞ-nyň Döwlet sekretarlygy tarapyndan Uteýbä berlendigi öňe sürülýär
ABŞ-nyň Döwlet sekretarlygy resminamalar hakynda hiç hili garaýyş beýan etmedi.
Resminamalarda Demirgazyk Koreýa bilen BAE-niň arasynda 100 million dollarlyk ýarag söwdasynyň edilendigi nygtalýar.
