United howa ýollaryna degişli ýolagçy uçar turbulentlige girdi

Amerikanyň Birleşen Ştatlarynyň United howa ýollaryna degişli bir ýolagçy uçarynyň Meksikada turbulentlige girmegi netijesinde 10 adam ýaralandy.

Federal awiasia edarasynyň resmileri Panamadan Hýustona barýan uçaryň tupan sebäpli Meksikanyň Kankun şäheriniň golaýynda turbulentlige girendigini habar berdi.

Resmiler turbulentlikde ekipaždan 1 adamyň we 9 ýolagçynyň ýaralanandygyny mälim etdi.

Hýustondaky Jorj Buş halkara howa menziline gonan uçardaky ýaralanan adamlar golaýdaky hassahanalara alynyp gidildi.