Putin: “Siriýa babatynda Türkiýe bilen ençeme meselede meňzeş garaýyşa eýediris” diýdi
Russiýanyň Prezidenti Wladimir Putin Siriýa babatynda Türkiýe bilen ençeme meselede meňzeş garaýyşa eýediklerini habar berdi
![Putin: “Siriýa babatynda Türkiýe bilen ençeme meselede meňzeş garaýyşa eýediris” diýdi](http://cdn.trt.net.tr/images/xlarge/rectangle/d01c/0e64/ec02/59300892e5a59.jpg?time=1719059079)
Putin halkara habarlar agentlikleriniň ýolbaşçylary bilen geçirilen maslahatda: “Türkiýe bilen esasy meselelerde düşünişmedik bolsadyk Siriýada çaknyşyklaryň bes edilmegi we howpsyz zolklaryň döredilmegi baradaky ylalaşyklary gazanyp bilmezdik” diýdi.
Russiýanyň Prezidenti Putin Türkiýäniň terror guramasy PÝD/PKK baradaky aladalaryny bilýändiklerini belläp bu babatda konstruktiw işleriň alynyp barylmagy üçin tagalla edýändiklerini habar berdi.
Siriýanyň bölünip bilmegine alada bildirýändiklerini aýdan rus lider howpsyz zolaklaryň döredilmeginede alada bildirýändiklerini, bu sebitleriň geljekde Siriýanyň bölünmegine esas döretmeli däldigini belledi.
Putin: “Gaýtam bu sebitler ýurdyň territorial bütewiligiň goralmagy we geljekde syýasy dialoga nusga bolmagy gerek” diýdi.