“DAIŞ gabaw astyna alyndy we her pursatda ýeňilişe sezewar edilip bilner”

ABŞ-nyň Prezidenti Donald Trampyň DAIŞ-e garşy göreş boýunça ýörite wekili Brett Mak Gurk guramanyň Yrakda ele geçiren ýerleriniň 65 göteriminiň yzyna alynandygyny aýtdy.

Mak Gurk ABŞ-nyň Yrakdaky ilçihanasynda žurnalistlere beren beýanatynda Yragyň ýaragly güýçleriniň hyzmatdaş güýçleriniň goldaw bermeginde 50 müň inedördül kilometrlik meýdany DAIŞ-den yzyna alandygyny nygtady.

Hyzmatdaş güýçleriniň terrora garşy göreşiň çäginde Yragyň ýaragly güýçlerinden 90 müň adam harby tälim berendigini aýdan Mak Gurk, hyzmatdaş güýçlerine degişli uçarlar bilen guralan hüjümlerde DAIŞ-iň liderlerinden 180 adamyň öldürlendigini ýatlatdy.

Mak Gurk “DAIŞ gabaw astyna alyndy we her pursatda ýeňilişe sezewar edilip bilner” diýdi.