Bosniýa-Gersogowinanyň ÝB-ne dalaşgärlik üçin eden ýüz tutmasy kabul edildi
Barlag etabyndan soň Bosniýa-Gersogowina ÝB-ne dalaşgär ýurt statusynyň berilmegine garaşylýar
Agzalyk üçin 15-nji fewralda ýüz tutan Bosniýa-Gersogowina şol günden bäri Bileleşigiň dalaşgärlik üçin talap edýän şertlerini tamamlady.
Belgiýanyň paýtagty Brýusselde düýn berlen beýanatda Bosniýa-Gersogowinanyň ýüz tutmasynyň resmi taýdan kabul edilendigi nygtaldy.
ÝB Komissiýasy Bosniýa-Gersogowinanyň hukugyň üstünligi, sosýal adalat we ykdysadyýet ýaly ugurlarda dalaşgärlik statusyna laýlyk gelip gelmeýändigini barlar.
Hünärmenler barlag işiniň 1 ýyla golaý dowam edip biljekdigini nygtaýar.
Barlag etabyndan soň Bosniýa-Gersogowina ÝB-ne dalaşgär ýurt statusynyň berilmegine garaşylýar.
Hünärmenler dalaşgärlik statusynyň berilmeginden soň gepleşik etabynyň azyndan 10 ýyl dowam edip biljekdigine ünsi çekýär.
Bosniýa-Gersogowina Ýewropada işsizleriň sanynyň iň köp ýurtlaryndan biridir.
Daşary işler ministri Mewlüt Çawuşogly ÝB-niň Bosniýa-Gersogowina hakyndaky kararyna hoşallyk bildirdi.
